ବହି ଲେଖି ସରକାରଙ୍କ ଗୋହି ଖୋଳିଳେ ବରିଷ୍ଠ ପ୍ରଶାସନିକ ଅଧିକାରୀ ତାରା ଦତ୍ତ । ଏଭଳି କିଛି ନୂଆ ଅନ୍ଦାଜରେ ମୁଖ୍ୟମନ୍ତ୍ରୀଙ୍କୁ ତେରଚ୍ଛା ବାଣ ମାରିଛନ୍ତି ରାଜ୍ୟ ସରକାରଙ୍କ ଏହି ପୂର୍ବତନ ଅତିରିକ୍ତ ମୁଖ୍ୟ ଶାସନ ସଚିବ । ଆଉ ଖୋଲିଦେଇଛନ୍ତି ରାଜ୍ୟରେ ଚାଲିଥିବା ଅମଲା ଶାସନର ଗୁମର....ଉନ୍ମୋଚନ ହେବାକୁ ଥିବା ତାଙ୍କ ବହି ହାଇଲ୍ୟାଣ୍ଡର୍ସ ପ୍ଲେନସ୍ପିକ ଦ୍ବାରା ରାଜ୍ୟରେ ବିଗତ 20 ବର୍ଷ ଭିତରେ ସରକାର କିଭଳି ଚାଲୁଛି ତାର ପର୍ଦ୍ଦାଫାଶ କରିଛନ୍ତି ତାରା ଦତ୍ତ । ତାରାଙ୍କ ଅକୁହା କଥା ଏବେ ସରକାରଙ୍କ ଅସଲ ମୁଖାକୁ ପଦାରେ ପକାଇଛି । ତାରା ଦତ୍ତ ତାଙ୍କ ବହିରେ ନିଜ ମନର ଭିତିରି କଥା ଲେଖିବାକୁ ଯାଇ ଉଲ୍ଲେଖ କରିଛନ୍ତି ଯେ........ ସରକାରଙ୍କ ବାମ ହାତ କଥା ଡାହଣ ହାତ ଜାଣୁ ନାହିଁ ।  ରାଜ୍ୟ ସରକାର ତଳଠୁ ଉପରୁ ପର୍ଯ୍ୟନ୍ତ ମାଳ ମାଳ ଦୁର୍ନିତିରେ ପୋତି ହୋଇ ରହିଛନ୍ତି  । ଖାଲି ସେତିକି ନୁହେଁ ସେ ଆହୁରି ଲେଖିଛନ୍ତି ସରକାରଙ୍କ ପ୍ରଶାସନିକ ସ୍ତରରେ କିଛି ବରିଷ୍ଠ ଅଧିକାରୀଙ୍କ ମନମାନି ଯୋଗୁଁ ରାଜଧାନୀରେ ଜମି ମାଫିଆଙ୍କ ଦୌରାତ୍ମ୍ୟ ବୃଦ୍ଧି ପାଇବା ସାଙ୍ଗକୁ ବସ୍ତି ସଂଖ୍ୟା ବଢିବାରେ ଲାଗିଛି  । ସବୁଠୁ ଗୁରୁତ୍ବପୂର୍ଣ୍ଣ କଥା ହେଲା ଭୁବନେଶ୍ବର ଓ ଜଟଣି ତହସିଲରେ ଜମି ବନ୍ଦବୋସ୍ତ ବେଳେ ନ୍ୟାୟାଳୟ ଓ ସରକାରଙ୍କ ନିର୍ଦେଶନାମାକୁ କିଭଳି ଉଲଙ୍ଘନ କରାଯାଇଛି ବହି ମାଧ୍ୟମରେ ତାହାର ଅବତାରଣା କରିଛନ୍ତି  । ସେହିଭଳି ଶିକ୍ଷାନୁଷ୍ଠାନ ନାଁରେ ରାଜଧାନୀ ସମେତ ଜଟଣୀରେ ବିପୁଳ ପରିମାଣରେ ଜମି ହାତାଯାଇଥିବା ଦର୍ଶାଇଛନ୍ତି ତାରା ଦତ୍ତ  ।  ତେବେ ତାରାଙ୍କ ଏହି ବହି ରାଜ୍ୟ ରାଜନୀତିକୁ ବେଶ ସରଗରମ କରିତୋଳିଛି  । ସରକାରଙ୍କୁ ଘେରିଛନ୍ତି ବିରୋଧୀ...ଉଭୟ ବିଜେପି ଓ କଂଗ୍ରେସ ତାରା ଦତ୍ତଙ୍କ କଥା ସତ ବୋଲି କହିବା ସହ ସରକାରଙ୍କ ଭ୍ରଷ୍ଟାଚାର ଆଉ ବେଶିଦିନ ନୁହେଁ ବୋଲି ମତବ୍ୟକ୍ତ କରିଛନ୍ତି